فونت زیبا سازفونت زیبا سازفونت زیبا سازفونت زیبا سازفونت زیبا سازفونت زیبا سازبیر غمسرای محنت ایمیش تختگاه جم 
هپ اسكی اویقوسوندا دورور كشور عجم
دورو برینده پارلار ایكن نور انقلاب
آچماز گؤزون گؤزونده طلوع قیلسا آفتاب
مظلوع عجم یانار اوره گیم غملی حالینا
من آغلارام سن آغلاماییرسان زوالینا
بیر انگلیس اسیریسن ای اسكی مملكت 
غملی سكوتو نا ده گؤروم وارمی بیر جهت؟
ایرانلی لار، قالیرسا اسكی صفا تینیز 
بیر انقلاب الینده دی قطعی نجاتینیز

لطفا از تمام مطالب دیدن فرمایید.
تبریز اوستو دومانلی/ داغلار باشی دومانلی / بیرپول، ایکی پول، اوچ پول، گئدن، ایتن تاپیل/ آغاجدا یاشیل آلچا/ دیبینده قارا خالچا/ کسیلسین زهرلی دیل / دیرلی گؤزلره میل / بادام آغاجدا قالا / تؤکولسون قادا بالا / آچیلسین بختی قیزین / قورولسون تختی قیزین! / قیزلار کامینا چاتسین/ نباتی قنده قاتسین/ سوگلسین آرخا دولسون/ قارا فیکیر پوچ اولسون! / کردیده مرزه نانه ( نعناع ) / یامان گؤز اوددا یانه! / بقالدا قاراکشمش / قارا اورکلره شیش!...


طبقه بندی: آذرآبادگان بایاتیلاری،  تبریز، 

تاریخ : سه شنبه 27 خرداد 1399 | 10:15 ق.ظ | نویسنده : آترو | نظرات

اوزون چمن

یازدا بزه نیرسن تازه گلین تک
اؤرتورسن اوزونه لاله دن اورپک
گولور هر یانیندا غونچه گول چیچک

یوردومون گؤزوسن آی اوزون چمن
دیلیمین سؤزوسن آی اوزون چمن

سحر چاغی کروان گئدیر یولوندا
سورولر مه لشیر ساغ - سولوندا
توراخایلار چهچه وورور یالوندا

یوردومون گؤزوسن آی اوزون چمن
دیلیمین سؤزوسن آی اوزون چمن

قیزلار سنده دسته - دسته گزنده
اوغلانلار باغرینی نازلا ازنده
کهلیک کیمی یاللاریندا سؤزنده

یوردومون گؤزوسن آی اوزون چمن
دیلیمین سؤزوسن آی اوزون چمن

آچاندا گول غونچه لری هر باهار
سندن اوزاق دوشن سنی آرزولار
سرین سولو گؤزل بولاقلارین وار

یوردومون گؤزوسن آی اوزون چمن
دیلیمین سؤزوسن آی اوزون چمن

تبریز

تاریخین تملی قویولان زامان
باشدا یازیلیبدیر آدین قهرمان
قوینوندا بسله نیب چوخ اولو اینسان

ائلیمین اؤلکه مین ووقاری تبریز
شانلی قهرمانلار دیاری تبریز

گؤزللیک آدینی آلیندیر سندن
سئودالی سئوگیلین اولور هر گؤرن
یاراشیر آدینا ای گؤزل وطن

ائلیمین اؤلکه مین ووقاری تبریز
شانلی قهرمانلار دیاری تبریز

دیللر ازبریدیر خوش آدین، سانین
مقدسدیر بیزه هر بیر مکانین
پارلاق اولدوزوسان آزربایجانین


ائلیمین اؤلکه مین ووقاری تبریز
شانلی قهرمانلار دیاری تبریز

ساوالان

چکیبسن باشینا قاردان آغ اؤرپک
اته یینده گولور چمن، گول - چیچک
دؤشلریندن آخیر سرین بولاقلار
صفا گؤرو سنه گلن قوناقلار

شؤهرتین بورویوب بوتون دونیانی
آلاولار یوردونون سنسن نیشانی
تاریخ یاد ائیله ییب سندن هر زامان
قوجامان، ووقارلی گؤزل ساوالان

هرایل یازدا سنه ائللر، اوبالار
قوناق گلیب آلا چیقلار قورارلار
کروانلار دوزولر اوزون یولونا
سورولر یاییلار ساغ- سولونا

شؤهرتین بورویوب بوتون دونیانی
آلاولار یوردونون سنسن نیشانی
تاریخ یاد ائیله ییب سندن هر زامان
قوجامان، ووقارلی گؤزل ساوالان

اورک سئون یاشیل یایلاقلارین وار
جنت کیمی گؤزل اوورلاقلارون وار
دیللرین ازبری بالین وار سنین
گزمه لی یاماجین - یالین وار سنین


شؤهرتین بورویوب بوتون دونیانی
آلاولار یوردونون سنسن نیشانی
تاریخ یاد ائیله ییب سندن هر زامان
قوجامان، ووقارلی گؤزل ساوالان

شاعیر: فرهاد ابراهیمی
بسته کار : اوستاد علی سلیمی
خواننده : یدالله زئیوه

بخش : رادیو 1340


آچیل سحر

آچیل سحر، آچیل صاباح، دوغ گونش
تنگه گلدیم، گئجه، ظولمت الیندن
قارانلیق، کؤنلومو سیخدی، دوتولدو
قولاغیم، بایقوشون، شوم ناله سیندن

آچیل سحر، ائللریمیز اویانسین
گونش دوغسون، قیزیل نورا بویانسین

دومان دوتوب هرطرفی، گؤرنمور
نه بیر اولدوز، نه ده بیر آی پاراسی
تئز یئتیر اؤزونو، باغریم قان اولدو
ایشیقلانسین کوئلرم، گئتسین قاراسی

آچیل سحر، ائللریمیز اویانسین
گونش دوغسون، قیزیل نورا بویانسین

گئجه اوزون، من ده یالقیز، یوخوم یوخ
گئجه قوشو، منه همدم اولوبدور
اوره ییم تله سیز، سنی گؤرمه یه
فراغیندا، گول تک رنگیم سولوبدور

آچیل سحر، ائللریمیز اویانشین
گونش دوغسون، قیزیل نورا بویانسین

بخش: رادیو ۱۳۳۸

آغلاما

آغلاما آغلاما گؤزل مارالیم
آغلاما، گؤزلرین قاداسین الیم
سن آغلاسان آرتار ملالیم

آغلاما آغلاما گؤزونه قوربان
<آی> باخیشلی، شیرین سؤزونه قوربان

گل اوتور گؤزلرین یاشینی سیلیم
دئ گؤروم نه اولوب آی شیرین دیللیم
سؤیله بیرسن منه دردینی بیلیم

آغلاما آغلاما گؤزونه قوربان
<آی> باخیشلی، شیرین سؤزونه قوربان

اودلو باخیشلارین ایلمه سرین
گل دولا بوینوما نازیک اللرین
من سنه <فرهاد> ام سن منه شیرین

آغلاما آغلاما گؤزونه قوربان
<آی> باخیشلی، شیرین سؤزونه قوربان

بخش: رادیو ۱۳۳۷

شاعیر: فرهاد ابراهیمی
بسته کار : اوستاد علی سلیمی
خواننده: فاطمه قنادی




طبقه بندی: آذرآبادگان بایاتیلاری، 
برچسب ها: ماهنی لری ، رجب ابراهیمی کورابازلی ، استاد علی سلیمی ،  

تاریخ : جمعه 31 اردیبهشت 1395 | 12:08 ب.ظ | نویسنده : آترو | نظرات

باهار گلیب

بولودلار چیخیر اویناغا
اوبالار کؤچور یایلاغا
بولاقلار گلیر قایناغا
ائللر دئییر : <باهار گلیب>

یاشیل زمی لر بوی آتیر
بوی آتیر سونبوله چاتیر
تیکانلار آیاغا باتیر
چؤللر دئییر: < باهار گلیب>

سورولر داغ اته یینده
ایچمه یینده _ یئمه یینده
چوبانلارین توته یینده
زیللر دئییر: <باهار گلیب>

چایلاقلارین قازلاریندا
قیز - گلینلر نازلاریندا
عاشیقلارین سازلاریندا
تئللر دئییر : <باهار گلیب >

حسرت گؤزلر اوزاقلاردا
آرزولاییر بوجاقلاردا
سیزیلدایان دوداقلاردا
دیل لر دئییر : <باهار گلیب>

گؤز تیکدیکجه سولا - ساغا
قوشلارقونور گول بوداغا
گؤیدن یاغیش یاغا _ یاغا
سئل لر دئییر : <باهار گلیب>

هئی باخیرام پنجره دن
گؤزوم دویمور منظره دن
چیچک آچان داغ - دره دن
گوللر دئییر : <باهار گلیب>

سنی گؤرندن بری

قونشوموزون تویوندا
آی قیز من گؤردوم سنی
سونا کیمی سؤزمه گین
حیران ائیله دی منی

عؤمرومده گؤرمه میشدیم
سن کیمی بیر دلبری
اود دوشوبدور جانیما
سنی گؤرندن بری

سنه بنزر یوخ ایدی
بیر اویناییب اوخویان
گؤزل قیزلار ایچینده
سئومه لیدین هامیدان

عؤمرومده گؤرمه میشدیم
سن کیمی بیر دلبری
اود دوشوبدور جانیما
سنی گؤرندن بری

دانیشاندا آغزیندان
بال شهدی تؤکولوردو
سن گولنده اوزونده
دان یئری سؤکولوردو

عؤمرومده گؤرمه میشدیم
سن کیمی بیر دلبری
اود دوشوبدور جانیما
سنی گؤرندن بری


یاز گلیبدیر

یاز گلیبدیر چؤلده آچیر یئنه چیچکلر
بیر ده دولور سئوینجله غملی اورکلر
غونچه گولور، چمن یاشیل دونا بورونور
بنؤوشه لر یاسمن لر باغدا گؤرونور

بولبول گولون بوداغیندا نغمه اوخویور
یئل اسد یکجه چمنلرده نرگس قوخویور
یاییلبدیر هر طرفه گول رایحه سی
حیات وئریر کؤنوللره بولبول نغمه سی

سئوگی سئون اور کلرده جوشور آرزولار
جان ائویندن اونودولوب کؤچور قایغی لار
اوغلان - قیزلار سئیره هرگون چیخیر لار قوشا
شاعیر ایستر بو زاماندا ماهنی لار قوشا

بولبول گولون بوداغیندا نغمه اوخویور
یئل اسد یکجه چمنلرده نرگس قوخویور
یاییلبدیر هر طرفه گول رایحه سی
حیات وئریر کؤنوللره بولبول نغمه سی


شئه اوتورور گول اوستونده تئزدن هرسحر
قارانقوشلار ائتمه ییرلر تازه بیر سفر
هر یاندا گول _ چیچک لیکدیر گولور داغ دره
یارانیبدیر گؤز باخدیقجا گؤزل منظره



بولبول گولون بوداغیندا نغمه اوخویور
یئل اسد یکجه چمنلرده نرگس قوخویور
یاییلبدیر هر طرفه گول رایحه سی
حیات وئریر کؤنوللره بولبول نغمه سی

لاله

یاندیربسان، یئنه چوئللرده چیراغ
سن گولورسن، گولور بوتون چمن - باغ
بزه نیبدیر سندن، داغلا - دره لر
یارادیبسان، نه گؤزل منظره لر

دوشوب آدین، یئنه دیللره لاله
یاییلیبسان بیزیم، چؤللره لاله

سن چؤل لرین سؤیملی بیر قیزیسان
طبیعتین ایشقلی اولدوزوسان
عاشیق دریر، تؤحفه وئریر یارینا
بنزه ییرسن، عاشیق لر ایلقارینا

دوشوب آدین، یئنه دیللره لاله
یاراشیرسان بیزیم، چؤللره لاله

نه گؤزلدیر اؤلکه میزده یاز اولا
اور کلر سئوینه، صؤحبت _ سازاولا
سن اولاسان <گلین> گوللر ایچینده
شؤهرتین یاییلا ائللر ایچینده

دوشوب آدین، یئنه دیللره لاله
یاراشیرسان بیزیم، چؤللره لاله




طبقه بندی: آذرآبادگان بایاتیلاری، 
برچسب ها: ماهنی لری ، رجب ابراهیمی کورابازلی ،  

تاریخ : جمعه 24 اردیبهشت 1395 | 11:46 ق.ظ | نویسنده : آترو | نظرات

دسته گول

آدی دوشموش دیلدن دیله
شانه وورموش قارا تئله
گؤردوم گلیر گوله _ گوله
یار الینده بیر دسته گول

گؤرجک اونو اولدوم حئیران
تاپیلارمی بئله جئیران
گؤنلوم ائوین ائتدی ویران
یار الینده بیر دسته گول

خیالیم ترک ائتمز اونو
اونون تک بیر گؤزه ل هانی
گلدی عشقیم ازل _ سونو
یار الینده بیر دسته گول

باغچالاردا سوسن گؤردوم
گول تئلینه دوزن گؤردوم
سونا کیمی سوزن گؤردوم
یار الینده بیر دسته گول

 

 

 

شوکته آلقیش

سن ای آذر ائللرینین هنرلی قیزی
خوش گلیب سن سونا بولبول بیزیم دیارا
صاف اور کله سنی سئویب آلقیشلاییریق
فخر ائدیریک قازاندیغین هر افتخارا

شیرین سؤزوم صحبتیم
سنسن شانیم شؤهرتیم
ایلهام آللام سسیندن
آذری قیزی <شوکت> یم

فرح وئرن او خوش سسین اورک سئوندیر
اوخو هر آن، قوی یایلسین هر یانا
سن ای آذر ائللرینین بخته ور قیزی
آوازینلا فخر قازان آزربایجانا

شیرین سؤزوم صحبتیم
سنسن شانیم شؤهرتیم
ایلهام آللام سسیندن
آذری قیزی <شوکت> یم

کاش گله سیز، قوناق بیزه هر آیدا_ ایلده
قیریلماسین دوستلوغوموز، اولسون پایدا
خوش آوازین ائشیدسین لر هامی بوائلده
قالسین خلقین، خاطیرینده اؤلمز یادگار

شیرین سؤزوم صحبتیم
سنسن شانیم شؤهرتیم
ایلهام آللام سسیندن
آذری قیزی <شوکت> یم

 

 

 


دیل آچدی وطن

یوردومدا گون دوغدو آچیلدی سحر
قارنلیق گئجه دن، قالمادی اثر
گونشین شوقیله دیل آچدی وطن
آزادلیق نغمه سین اوخور بولبول لر

نه گؤزل دیر ائلیم، نه شیریندیر دیلیم
آنا وطنیم آزربایجانیم
دیل آچدی وطن، بزندی چمن، هر یاندا گولور لاله _ یاسمن

وقارلی داغلارین یادا سالیرام
یاشیللیق لاریندان ایلهام آلیرام
حسرتین قلبیمی سیخاندا هر آن
گؤزللیکلرینه حئیران قالیرام

نه گؤزل دیر ائلیم، نه شیریندیر دیلیم
آنا وطنیم آزربایجانیم
دیل آچدی وطن، بزندی چمن، هر یاندا گولور لاله _ یاسمن

 




طبقه بندی: آذرآبادگان بایاتیلاری، 
برچسب ها: ماهنی لری، ماهنی لری رجب ابراهیمی کورابازلی،  

تاریخ : دوشنبه 30 فروردین 1395 | 10:36 ق.ظ | نویسنده : آترو | نظرات

 

ای رعدی قیلان روباب عشقینده کباب،

 

قانونا اصول ایله یئتیردین مضراب.

 

تا گول أوزه تار زولفونو ساز ائتدین،

 

چنگ اولدو بو أوزدن نئچه أوز خانه خراب.

 

******************************************

 

سن غئیر بو ساطیندا کی ایچدین مئی ناب،

 

قان اولدو جیگر، گلدی گؤزومدن خوناب.

 

سئیلاب سیرشک اولدو جهانا جاری،

 

اول سئیلده ییخدیم ائویمی میثل حوباب.

 

**********************************************

 

سرمست نامازا گلمه سئیدی اصحاب،

 

هئچ آیه گلیب حرام اولمازدی شراب.

 

اولسون بو گنه بوینونا اصحابلارین،

 

قالدیق بئله بی دماغ، بی باده ی ناب.

 

********************************************

دوشدو الیمه بیر گئجه بیر شیشه شراب،

 

گئتدیم ائوه صوبح ایچیم من خانه خراب!

 

گون ائتدی طلوع، صوبح دور دوم گؤردوم،

 

نصحیف ایله چرخ ائدیب شرابیمی سراب!

 

*********************************************

 

قویمو شدوم ائوه بیر گئجه بیر شیشه شراب،

 

یاتدیم کی دوروب صوبح اولام اوندان سیراب!

 

تا صوبح او گئجه یوخومدا گؤردوم خورشید،

 

تعبیر ائله ای شئیخ! موبار کدی بو خواب؟

 

**********************************************

 

قوربانین اولوم ای بوت شیرین حرکات!

 

هر آجی سؤزوندور منه بیر قند و نبات.

 

یوخلاردین ازلدن منی شیرین – شیرین،

 

ایندی نییه اولدوم سنه من بؤیله بایات؟

 

*****************************************

 

ای خیضر خط ، ای شاه رفیع الدرجات!

 

 

ای ظولمت خط ایچره لبین آب حیات.

 

عشاقا یامان گونده دئدین ال توتارام،

 

جان وئرسم اولور مو سنه دردیم اثبات؟




طبقه بندی: آذرآبادگان بایاتیلاری، 

تاریخ : چهارشنبه 11 تیر 1393 | 03:55 ب.ظ | نویسنده : آترو | نظرات

سید غم و مؤحنتله پریشان اولما،

 

قونچه کیمی غمدن جیگری قان اولما.

 

گر اولسا شیکست عضو – عضوون غمدن،

 

مینت کش مومیای نادان اولما.

 



 

صبر ائیله کؤنول درد و غم پنهانا،

 

فاش ائیله احوالینی هر نادانا،

 

اول کس کی سنی درده سالیب عالمده،

 

بیر گون یئتیره ر دردینی اول درمانا.





طبقه بندی: آذرآبادگان بایاتیلاری، 

تاریخ : جمعه 6 تیر 1393 | 03:53 ب.ظ | نویسنده : آترو | نظرات

ای حوسنو اولان زیب جمال عذرا،

 

ای وامیقی ائیله ین او أوزدن روسوا،

 

اؤز پرتو حوسنونو سالیب لئیلایا،

 

مجنونو سن ائیله دین غمیندن شئیدا.



محشرده خلل یئتمسه ادار کیمیزا،

 

گلمز الم حشر بیزیم باکیمیزا.

 

میراث آتامیزدان بیزه قالمیش جنت،

 

کیمدیر بیزی قویمایان اؤز املا کیمیزا؟






طبقه بندی: آذرآبادگان بایاتیلاری، 

تاریخ : دوشنبه 2 تیر 1393 | 03:23 ب.ظ | نویسنده : آترو | نظرات

ای قدرتین آثاری سنین ارض و سما،

 

ای امری قیلان کؤن و مکانی پئیدا.

 

وجهیندان اگر آلماسا نورون، خورشید،

 

بیر ذره ر جاهانا وئرمزدی ضیا.




طبقه بندی: آذرآبادگان بایاتیلاری، 

تاریخ : جمعه 30 خرداد 1393 | 04:30 ب.ظ | نویسنده : آترو | نظرات

انگور دا مئی شیره سی، ای اهل صفا!

 

یئرله گؤی آراسیندا قیلیب نشو و نما.




اوندان اؤته ری خون کبوتر دئدیلر،

 

کیم بیر نئچه گون قالدی معلق به هوا.


 




طبقه بندی: آذرآبادگان بایاتیلاری، 

تاریخ : پنجشنبه 29 خرداد 1393 | 01:32 ب.ظ | نویسنده : آترو | نظرات

 

عزیزیم یاخشی آتا،

 

آغاج أوسته، أوزوم وار،

 

پولون ویر یاخشی آتا

 

آنا سنه سؤزوم وار.

 

اوغول بد اصل اولسا

 

قونشوداکی قیزلارین،

 

نیله سین یاخشی آتا

 

ایلکی سینده گؤزوم وار.

 




طبقه بندی: آذرآبادگان بایاتیلاری، 

تاریخ : جمعه 26 اردیبهشت 1393 | 04:03 ب.ظ | نویسنده : آترو | نظرات
لطفا از دیگر مطالب نیز دیدن فرمایید
تعداد کل صفحات : 14 ::      1   2   3   4   5   6   7   ...  
لطفا از دیگر صفحات نیز دیدن فرمایید
.: Weblog Themes By SlideTheme :.


  • وب بوم اف
  • وب شوفا
  • وب آی آر آی بی
  • وب مقالات الکترونیک
  • f013315119.jpg f609858247.jpg f72433036.jpg f184181750.jpg f3018040.jpeg f89679671.jpeg f44138202.jpeg
    شبکه اجتماعی فارسی کلوب | Buy Website Traffic | Buy Targeted Website Traffic