تبلیغات
آذر آبادگان - سفر استانبول کوراوغلو

 

یاخ ایندی تئللی نبگاریم

گلدی ده لیلریم، گلدی

خوتکارقیزی، گؤزه ل یاریم

گلدی ده لیلریم، گلدی

 

دشمنه قیلنج چکمه یه

باشلاری بیچیب تؤکمه یه

پاشالار قددی بوکمه یه

گلدی ده لیلریم، گلدی

 

قوربانام مردین آدینا

دوستونو سالار یادینا

بوگون سرکر ایمدادینا

گلدی ده لیلریم، گلدی

 

الده شئش پری قالخانی

یاغی یا وئرمز آمانی

اؤلدورمه یه به ی، پاشانی

گلدی ده لیلریم، گلدی

 

ایگیدین کسمه ز غوغاسی

همیشه اولار داعواسی

کوراوغلونون قوچ آرخاسی

گلدی ده لیلریم، گلدی




 




طبقه بندی: آذرآبادگان بایاتیلاری، آذرآبادگان،

تاریخ : پنجشنبه 28 شهریور 1392 | 01:57 ب.ظ | نویسنده : آترو | نظرات
.: Weblog Themes By SlideTheme :.


  • کاروان دل